Avokati Azem Vllasi, ka folur për vrasjen e Jusuf Gervalles.
Nëse besoni te gazetaria e pavarur, na mbështetni sot me një "kafe" simbolike. Çdo kontribut na ndihmon ta mbajmë Mekuli Press të lirë, të pavarur dhe pa asnjë ndikim.
☕ Kliko dhe mbështete MekuliPress. Ruaje të vërtetën shqiptare.Vllasi thotë se dihej që Jusuf Gërvalla ishte patriot dhe atdhetar dhe se e kishte të pamundur të zhvillonte aktivitetin në Kosovë.
“Dyshimet e para për vrasjen e tij ishin se këtë e bënë shërbimet jugosllave pasi ato vrisnin në emigracion edhe njerëzit e Kroacisë siç ishin ustashët”, tha ai në emisionin “Kojshia Show”.
Vllasi thotë se nuk kishte informacione se Jusuf Gërvalla ishte i interesuar për veprime kundër shtetit të atëhershëm të Jugosllavisë.
“Asgjë nuk më ka rënë të dëgjoj më detajisht por shërbimi jugosllav i atëhershëm kishte persona të shënjestruar për të vrarë. Për atë listë kishin njohur vetëm 2-3 persona. Shërbimin e Kosovës apo republikave tjerë nuk i ka pyetur askush. Shef kryesor i sigurimit shtetërorë i asaj kohe ishte Nistane Dollanc. Thuhet se si ekzekutor për dikë në emigracion ishte Arkani. Arkani ishte njeri i UDB-së. Por krejt kjo që po e them është nga ajo që e kam dëgjuar”, deklaroi ndër të tjera Azem Vllasi.