Kurti nga veriu: Asnjë kriminel nuk do t’i shpëtojë drejtësisë
Nëse besoni te gazetaria e pavarur, na mbështetni sot me një "kafe" simbolike. Çdo kontribut na ndihmon ta mbajmë Mekuli Press të lirë, të pavarur dhe pa asnjë ndikim.
☕ Kliko dhe mbështete MekuliPress. Ruaje të vërtetën shqiptare.Kryeministri në detyrë, Albin Kurti, bëri homazhe te lapidari i Heroit Enver Zymeri në Varagë të Zubin Potokut, së bashku me ministrin në detyrë të Punëve të Brendshme, Xhelal Sveçla.
Kurti tha se Enver Zymeri, Afrim Bunjaku dhe policët e rënë në detyrë janë shembull i sakrificës për shtetin, duke theksuar se veriu i Kosovës sot është më i sigurt falë kontributit të tyre.
Ai u shpreh se autorët e vrasjes së Enver Zymerit dhe të gjitha veprave kriminale do të përballen me drejtësinë.
“Asnjë kriminel nuk do të lejohet të mbetet i pandëshkuar,” deklaroi Kurti.
Gjatë ditës, ai bëri homazhe edhe te lapidari i policëve të rënë në Prishtinë dhe vizitoi familjet e Enver Zymerit, Afrim Bunjakut dhe policëve të tjerë të rënë në krye të detyrës.