Nga Eckhart Tolle
Nëse vlerësoni gazetarinë tonë të pavarur, na mbështetni me një "kafe" simbolike për të mbajtur Mekuli Press të lirë nga çdo ndikim!
☕ Mbështete sot MekuliPress. Ruaje të vërtetën shqiptare
Nëse nuk ndihesh i kënaqur me atë që ke arritur, apo je i nevrikosur rreth së tashmes, kjo mund të të motivojë, për t’u bërë i pasur. Por në anën tjetër edhe nëse bën miliona, ti do të vazhdosh së përjetuari përbrenda një gjendje mungese dhe thellë-thellë do të vazhdosh të ndihesh i paplotësuar.
Ti mund të përjetosh mjaft eksperienca që paratë mund t’i blejnë, por ato do të vinë e ikin, por gjithnjë do të të lënë një ndjenjë boshllëku. Nevojën për një kënaqësi më të madhe fizike apo psikologjike. Ti nuk do të qëndrosh në qenie e kësisoji të ndjesh plotësimin e jetës, që vetëm se është përparim i vërtetë.
Ndaj hiq dorë nga pritja si gjendje mendore. Kur e kap veten duke fjetur, në pritje… zgjohu. Eja në të tashmen. Vetëm ji dhe lumturohu nga të qenit.
Nëse je i pranishëm në të tashmen, nuk do të kesh asnjëherë nevojë të presësh. Kështu që, nëse dikush do të thotë: “Më vjen keq që të lashë duke pritur”, ti mund të përgjigjesh: “S’ka problem. Nuk isha duke pritur. Isha duke qëndruar këtu e duke shijuar lumturinë me veten.”
Këto janë vetëm disa prej strategjive të zakonshme të mendjes për të mohuar të tanishmen, të cilat janë pjesë e pavetëdijes së zakonshme.
Janë lehtë për t’u parë pasi janë pjesë e jetës normale: sfondi statik i pakënaqësisë së përhershme. /MekuliPress/