NFF do ta padisë ndërhyrjen e Trumpit në FIFA: Lise Klaveness kërkon përgjegjësi për skandalin në Botëror
Nëse besoni te gazetaria e pavarur, na mbështetni sot me një "kafe" simbolike. Çdo kontribut na ndihmon ta mbajmë Mekuli Press të lirë, të pavarur dhe pa asnjë ndikim.
☕ Kliko dhe mbështete MekuliPress. Ruaje të vërtetën shqiptare.MekuliPress
Federata Norvegjeze e Futbollit (NFF) do të paraqesë një ankesë zyrtare ndaj FIFA-s, pasi presidenti amerikan Donald Trump dyshohet se ndërhyri në vendimmarrjen gjatë Kampionatit Botëror.
Reagimi vjen pasi sulmuesi amerikan Folarin Balogun u ndëshkua me karton të kuq në ndeshjen e 1/16 së finales, por dënimi u anulua pasi Trump, sipas raportimeve të mediave ndërkombëtare, kontaktoi presidentin e FIFA-s, Gianni Infantino.
Presidentja e NFF-së, Lise Klaveness, e ka cilësuar këtë zhvillim si një kërcënim serioz për integritetin e futbollit.
“Nuk do të lejoj që kjo çështje të fshihet nën qilim,” deklaroi Klaveness për The Times.
Sipas saj, anulimi i kartonit të kuq ishte një gabim i rëndë dhe FIFA duhet ta pranojë publikisht këtë.
“Kur përkul rregullat në këtë mënyrë, rrezikon gjithë lojën. Është jashtëzakonisht shqetësuese kur bëhen kompromise me rregullat themelore të futbollit,” tha ajo.
Klaveness theksoi se vendimi nuk duhej të ishte marrë kurrë dhe kërkoi transparencë të plotë mbi procesin.
“Ne e dimë se ky vendim u ndikua nga faktorë të jashtëm dhe se procedura nuk ishte e rregullt,” shtoi ajo.
Sipas raportimeve të The Times, përcjell MekuliPress, vendimi për anulimin e kartonit është marrë nga kreu i Komisionit Disiplinor të FIFA-s, Mohammad al-Kamali, pa u konsultuar me 17 anëtarët e tjerë të komisionit.
Nga ana tjetër, FIFA ka deklaruar se Komiteti i Etikës është i pavarur dhe se rasti do të hetohet.
Klaveness njoftoi se çështjen do ta ngrejë edhe në mbledhjen e bordit të NFF-së, duke shpresuar se ky rast do t’i inkurajojë më shumë njerëz të flasin hapur kur shohin shkelje të rregullave.
Ajo shtoi se është e zhgënjyer me mënyrën se si është trajtuar rasti nga FIFA, megjithëse, sipas saj, mungesa e transparencës nuk është diçka që e ka befasuar.
Burimi: The Times, raportuar nga Dagbladet./MekuliPress/