Gratë shtatzëna irritohen shumë shpesh. Njerëzit shpesh fajësojnë hormonet në mënyrë specifike gonadotropinën.
Por në fakt, një gjendje e tillë nervore mund të shpjegohet jo vetëm me arsye fiziologjike: nënat e ardhshme janë të brengosura për fëmijët e tyre dhe për shkak se ato vërtet e kuptojnë se sa e madhe është përgjegjësia, ato janë nën stres të madh.
Pra, çdo shprehje në dukje e padëmshme e njerëzve mund të çojë në probleme shumë të mëdha.
Ne vendosëm t’ua bënim më të thjeshtë jetën grave shtatëzëna dhe të bënim një listë të frazave që nuk duhet të përdoren në praninë e një gruaje shtatzënë.
Të gjitha llojet e ndalimeve
Në përgjithësi, njerëzve nuk u pëlqejnë ndalimet dhe nëse po flasim për gratë shtatzëna, është një rast i veçantë. Gratë shtatzëna e dinë më mirë se çdokush tjetër çfarë mund të bëjnë dhe çka nuk munden sepse mjekët e tyre tashmë i kanë informuar për këtë. Nëse nuk jeni mjek, mos u jepni këshilla sepse mund të bëni më shumë dëm sesa të mirë.
Kujtesa se ato nuk duhet të jenë të shqetësuara
Seriozisht? Atëherë pse duhet t’ua thoni këto fjalë? Gratë shtatzëna janë të destinuara të shqetësohen sepse duan që foshnja e tyre e ardhshme të jetë e shëndetshme. Dhe përveç kësaj, ata po përjetojnë një çekuilibër hormonal në trupat e tyre.
Pra, nëse doni t’ua bëni jetën më të lehtë, thjesht mos ua thoni këto fjalë; ato vetëm mund të bëjnë të kundërtën e asaj që keni menduar.
“Shtatzania nuk është një sëmundje.”
Nëse është kështu atëherë përse e “diagnostikojmë” shtatzëninë? Po, të presësh një fëmijë është një gjë e lumtur, por ende ka shumë punë për trupin që vjen me një kosto.
Pyetje të implikuara për shëndetin e tyre riprodhues
Kjo është ndoshta pyetja më e pasjellshme që mund t’i bëni një gruaje shtatzënë. Me fjalë të tjera, njerëzit po pyesin nëse një grua mund të mbetet shtatzënë. Çuditërisht, jo të gjithë njerëzit janë të gatshëm të diskutojnë shëndetin e tyre riprodhues me të gjithë dhe për disa njerëz, kjo mund të jetë një temë e dhimbshme.
“Oh, sa bark të madh që ke!”
Zakonisht, pasi njerëzit thonë këtë, ata përpiqen t’ju prekin barkun. Ju lutemi, nëse nuk jeni një i afërm i ngushtë i fëmijës së ardhshëm, mos e bëni këtë!
Gratë kanë një instinkt të ashtuquajtur të nënës dhe nuk u pëlqen që njerëzit e tjerë të jene aq afër fëmijës të saj. Dhe po, ajo e di për madhësinë e barkut të saj, nuk ka nevojë t’ja shfaqni këtë.
Kjo mund të jetë me të vërtetë irrituese. Gjëja më e mirë që mund të bëni është ta ndihmoni, sepse mund të jetë e vështirë për të lëvizur.
“Kur isha unë shtatzënë..”
Është më keq nëse kjo frazë pasohet nga diçka si: “Kur isha unë shtatzënë, barku im ishte …”
Gratë shtatzëna janë të shqetësuara me të vërtetë për foshnjat e tyre kështu që ata mund të mendojnë se ka diçka që nuk shkon me ta. Edhe nëse një nënë e ardhshme është e sigurtë se foshnja e saj është plotësisht e mirë, ky krahasim është me të vërtetë irritues mund ta bëjë atë të ndjehet sikur shtatzania e saj po shkon më keq sesa e dikujt tjetër.
“A keni nevojë për rroba për foshnjën? Kam ruajtur disa. “
Duhet të jeni me të vërtetë të kujdesshëm kur përpiqeni të ofroni ndihmë si kjo. Shumë shpesh, sidomos nëse është shtatzënia e tyre e parë, nënat preferojnë të blejnë rroba të reja për fëmijët e tyre dhe t’i zgjedhin vetë dyqanet.
Nëse është kështu, mos harroni se oferta juaj bujare mund të merret si një përpjekje për të hequr qafe gjëra që nuk ju nevojiten.
Parashikimet e seksit të foshnjës së ardhshme
“Oh me të vërtetë? Atëherë pse e shpenzova gjithë kohën duke bërë skanime me ultratinguj? Unë duhet ta kisha pyetur menjëherë ekspertin!”
Në të vërtetë, kur mund të shihni barkun edhe për pak, mund të zbuloni seksin. Pra, shumica e nënave tashmë e dinë seksin e foshnjës së tyre. Është veçanërisht e çuditshme kur njerëzit që përpiqen të parashikojnë seksin e kanë gabim.
Pyetje rreth emrave
Kjo pyetje mund të bëhet vetëm nga miq dhe të afërm të ngushtë. Nëse nuk jeni personi më i afërt i gruas shtatzënë, nuk duhet të kërkoni gjëra të tilla, sepse kjo është një gjë e vërtetë personale.
Disa njerëz nuk preferojnë të ndajnë idetë e tyre për emrat sepse janë supersticiozë. Dhe edhe nëse mendoni se kjo është një gjë pa kuptim, ju duhet ta respektoni atë.
“A do dëshironit të merrnit lejen e lindjes sa më shpejt të jetë e mundur?”
Kjo tingëllon sikur ju po mendoni se ajo nuk e bën punën e saj si duhet. Nëse është e vërtetë, thjesht tregojini asaj. Nëse ajo është një punonjëse e mirë dhe nuk shkakton probleme, atëherë pse ta bëni këtë pyetje?
“Ju ndoshta dëshironi pak ushqim të kripur.”
Jo, ajo dëshiron që njerëzit të ndalojnë së bëri asaj këtë pyetje qesharake! Mos i përhapni mitet për shijet e veçanta që gratë shtatzëna kanë: në shumicën e rasteve ato janë pak më të uritura sesa zakonisht. Për më tepër, ata nuk mund të hanë ushqime të kripura, sepse nuk është e mirë për veshkat e tyre.