Mediat raportojnë se dhjetë persona kanë vdekur pasi një aeroplan privat u rrëzua në rajonin Tver, në veri të Moskës.
Bosi i grupit mercenarë rus, Wagner, Yevgeny Prigozhin besohet se ka qenë në bordin e fluturimit, kanë njoftuar autoritetet ruse, raporton skynews.
Këshilltar i Ministrit të Punëve të Brendshme të Ukrainës, Anton Gerashchenko ka shkuar në platformën X (ish-Twitter) se lideri i Wagnerit dyshohet se ishte në aeroplan.
“Agjencia ruse e aviacionit: Prigozhin ishte në bordin e aeroplanit që u rrëzua në rajonin Tver të Rusisë. Sipas informacioneve paraprake, 10 persona vdiqën – Ministria ruse e Emergjencave. Ka informacione se mbrojtja ajrore ishte duke punuar në rajonin Tver para rrëzimit të aeroplanit”, ka pohuar ai.
‼️Russian aviation agency: Prigozhin was on board of the plane that crashed in Tver region of Russia.
By preliminary information, 10 people died – Russian emergency ministry.
There is information that air defense was working in Tver region before the plane crash. pic.twitter.com/sIvSotWPHC
— Anton Gerashchenko (@Gerashchenko_en) August 23, 2023
Kujtojmë se Prigozhin udhëhoqi një rebelim jetëshkurtër kundër ushtrisë dhe presidentit rus, Vladimir Putinit.
Rebelimi përfundoi kur presidenti bjellorus, Alexander Lukashenko ndërhyri për të ndërmjetësuar një marrëveshje.