Ish-komandanti i forcave të Shteteve të Bashkuara të Amerikës në Evropë, Ben Hodges është shprehur kundër tërheqjes së trupave nga Kosova.
Ai ka thënë se do të ishte gabim tërheqja e trupave nga Kosova.
Hodges i është përgjigjur statusit në Twitter të të birit të presidentit amerikan, Donald Trump, i cili ka shkruar se ka ardhur koha për kthimin në shtëpi të trupave amerikane.
“Do të ishte gabim… KFOR-i është shtylla e vetme e stabilitetit në rajon. Largimi i tyre tani, para zbatimit të marrëveshjeve, do të ishte njëjtë me tërheqjen e startuesve në mesin e çerekut të katërt, pak para se të kaloje në epërsi”, ka thënë Hodges, duke e krahasuar me ndeshje basketbolli.
Edhe politikani dhe eurodeputeti austriak, Lukas Mandl, ka dalë kundër tërheqjes së forcave ushtarake nga Kosova.
Ndryshe, i tërë debati ka nisur nga një postim i senatorit David Perdue, që përmes “Twitter”-it shkroi që SHBA-ja do të duhej ta rishqyrtonte praninë në Kosovë.
Këtë e kishte mbështetur i dërguari i SHBA-së për dialogun Kosovë-Serbi, Richard Grenell si dhe djali i presidentit Trump, Donald Trump Jr.
This would be a mistake…KFOR is the lone anchor of stability in the region. Pulling them out now, before agreements have been implemented, would be like pulling all your starters in the middle of a comeback in the 4th quarter, just before you take the lead. https://t.co/didOtoOJwU
— Ben Hodges (@general_ben) March 10, 2020