Aksionet e Netflix ranë këtë javë pasi platforma raportoi humbjen e parë drastike të abonentëve në më shumë se një dekadë. Një faktor që kompania vuri në dukje si dëmtuese të të ardhurave: shpërndarja e gjerë e fjalëkalimeve.
A do të thotë kjo se transmetuesi do të largojë miliona shikues nga llogaritë e përbashkëta? Jo, por kjo mund të nënkuptojë që abonentët e Netflix në mbarë botën mund të duhet të kontribuojne për të mbajtur fëmijët, miqtë ose kolegët e tyre në llogaritë e tyre.
Për vite me radhë, Netflix (NFLX) ka lejuar abonentët të ndajnë fjalëkalimet e tyre në shumë duar. Në fakt, shërbimi pranoi në letrën e tij drejtuar investitorëve të martën se politika do të ndihmojë në nxitjen e rritjes së tij duke “bërë më shumë njerëz të përdorin dhe shijojnë Netflix”.
A është ky fundi i ndarjes së fjalëkalimit të Netflix?
Pra, çfarë do të thotë kjo për llogarinë tuaj? Është e paqartë pasi Netflix është në fazat e hershme të zbulimit se si të fitoj më shumë para nga ndarja e llogarisë.
Muajin e kaluar kompania tha se ka punuar për një vit në mënyrat për t’u “mundësuar anëtarëve të qëndrojnë në një lloogari, të jetë e lehtë por me kushtin e vetëm duke paguar edhe pak më shumë”. Përkthim: do t’ju duhet të paguani për ata njerëz shtesë në llogarinë tuaj.
Kompania ka nxjerrë dy veçori testimi në tre tregje jashtë shtetit të quajtura “Extra Member” dhe “Profile Transfer”. Kostot ndryshojnë në bazë të një numri faktorësh, por Netflix tha se veçoritë mund të shtohen për “një pjesë të çmimit të një Plani Bazë”.
Me “Extra Member”, abonentët e planeve standarde dhe premium të Netflix mund të shtojnë një llogari për deri në dy persona që nuk jetojnë me ta.
Këta anëtarë “extra” do të kenë akses të plotë në llogarinë kryesore të Netflix dhe do të kenë profilet dhe hyrjen e tyre. Anëtarësimet shtesë nuk do të llogariten në shifrat e përgjithshme të abonentëve me pagesë të Netflix.
Pra, nëse keni dikë në llogarinë tuaj Netflix që nuk jeton në shtëpinë tuaj një fëmijë larg universitetit, një mik, një kushëri të largët, çfarëdo do të paguani ekstra për aksesin e tyre.
Opsioni “Transferimi i profilit” i lejon abonentët me çdo nivel çmimi të transferojnë informacionin e profilit të tyre domethënë historinë e tyre të shikimit në një llogari të re me pagesë.
Të dyja veçoritë janë duke u testuar aktualisht në Kili, Kosta Rika dhe Peru. Netflix zakonisht teston veçori të reja në tregje më të vogla përpara se t’i nxjerrë ato në një shkallë më të madhe, dhe në këtë pikë është e paqartë nëse “Anëtari shtesë” ose “Transferimi i profilit” do të bëhen një ofertë më e madhe ose do të anulohen.