Aktiviteti fizik është po aq efikas sa ilaçet në uljen e tensionit të gjakut, kanë zbuluar shkencëtarët.
Ecja rregullisht, noti ose ngritja e peshave të lehta mund të ndihmojnë në trajtimin e tensionit të lartë të gjakut me po aq efikasitet sa përdorimi i ilaçeve për hipertensionin. Në këtë përfundim ka arritur një studim ku janë analizuar të dhënat e 40 mijë personabe.
Tensioni i lartë i gjakut, njohur në gjuhën mjekësore si “hipertensioni”, prek thuajse 1 në 3 të rritur.
Me mijëra njerëz vdesin çdo vit nga goditja në tru ose ataku në zemër për shkak të moskontrollit si duhet të tensionit të gjakut.
Hulumtuesit shkencorë, të drejtuar nga akademikët në Shkollën e Ekonomikut në Londër dhe Universiteti Stanford në SHBA, analizuan të dhënat e 391 eksperimenteve, ku janë përfshirë rreth 40 mijë njerëz. Ata zbuluan se duke kryer disa lloje të ndryshme aktivitetesh fizike çdo ditë, si ecje, joga, çiklizëm, not, palestër, mund të normalizosh nivelet e tensionit të gjakut.
Shkencëtarët gjithsesi theksojnë se pacientët nuk duhet të heqin dorë nga ilaçet pa u konsultuar më parë me mjekun.