Shtetet e Bashkuara të Amerikës kërkojnë një shpjegim nga Serbia për atë që u nënshkrua si marrëveshje me Rusinë në Nju Jork.
Kështu, siç shkruajnë mediat serbe, përcjell Telegrafi, ka thënë ambasadori amerikan në Serbi, Christopher Hill.
Ambasadori Hill ka theksuar se askush nuk duhet të nënshkruajë asgjë me Rusinë në këtë moment dhe thekson se për momentin, siç thotë ai, bëjnë vetëm rekrutët e varfër që duhet ta bëjnë këtë.
“Prandaj është shumë e vështirë për ne të kuptojmë ekzistencën e një dokumenti apo protokolli të tillë, por shpresojmë dhe presim që të dëgjojmë më shumë për të dhe të shpjegohet në një farë mënyre”, citohet të ketë thënë ambasadori amerikan.
“… Ne gjithashtu mbështesim dhe presim që Serbia të bëjë diçka për të diversifikuar energjinë e saj dhe të zvogëlojë varësinë e saj nga Rusia, e cila bazohet kryesisht në masat e shantazhit dhe presionit”, shtoi Hill.
Ndërsa shefi i Delegacionit të BE-së në Serbi, Emanuel Giofre, i cili mori pjesë në të njëjtën konferencë me Hill, u tha gazetarëve se pret që Serbia, siç thotë ai, të jetë aty me ta dhe të qëndrojë me ta në mbrojtje të vlerave dhe të përbashkëta të sigurisë.
“Kur është fjala për nënshkrimin e protokollit për bashkëpunim, mendoj se Serbia dërgoi një mesazh krejtësisht të kundërt, pa marrë parasysh që tha se nuk do t’i njohë rezultatet e referendumit”, tha Zhiofre.
Ndryshe, një marrëveshje ndërmjet Serbisë dhe Rusisë ka nxitur reagime edhe më herët.
Madje disa eurodeputetë kanë kërkuar ndërprerjen e negociatave me Serbinë për anëtarësim në BE pas kësaj marrëveshje.
E Raportuesja për Kosovën në Parlamentin Evropian, Viola Von Cramon, e ka quajtur skandal të rëndë marrëveshjen Rusi-Serbi për koordinimin e politikës së jashtme, të nënshkruar nga ministri i Punëve të Jashtme të Serbisë, Nikola Selakoviq dhe atij të Rusisë, Sergey Lavrov.
Në margjinat e Asamblesë së Përgjithshme të OKB-së ministrat e Punëve të Jashtme të Serbisë dhe Rusisë nënshkruan të premten në Nju Jork planin e konsultimeve të ministrive të tyre për periudhën 2023-2024.
Një marrëveshje të tillë, Von Cramon e ka cilësuar skandal të rëndë duke thënë se ky është një sinjal se Bashkimi Evropian duhet të ngrijë bisedimet me Serbinë për anëtarësim në Bashkimin Evropian.
“Ky është një skandal i rëndë. Në mes të luftës së furishme, Ministria e Jashtme e Serbisë nënshkruan planin për bashkëpunimin e ardhshëm me agresorin Rusinë”, ka shkruar Cramon.