Presidentja e Komisionit Evropian, Ursula von der Leyen, i ka dorëzuar zyrtarisht një pyetësor presidentit ukrainas, Volodymyr Zelensky.
Pyetësori është një hap i domosdoshëm për t’i dhënë Ukrainës statusin e kandidatit në Bashkimin Evropian.
Ceremonia u zhvillua pas bisedimeve me Zelensky-n në Kiev, raporton një korrespondent i agjencisë “E vërteta evropiane”.
“Ky pyetësor është baza për një diskutim që duhet të çojë në përfundimin e Komisionit Evropian (mbi gatishmërinë e Ukrainës për të marrë statusin e kandidatit – PE)”, deklaroi zyrtarja e lartë evropiane.
Von der Leyen sqaroi se kjo është një procedurë e përshpejtuar.
Kjo, pasi marrëdhëniet midis Ukrainës dhe BE-së janë aq të zhvilluara sa Bruksel-i nuk ka nevojë për përgjigje.
“Ne dimë shumë për njëri-tjetrin. Prandaj, plotësimi do të marrë javë, si zakonisht”, shpjegoi ajo.
Zelensky korrigjoi Von der Leyen-in, duke siguruar se Ukraina do ta përmbushte edhe më shpejt.
“Ne do të jemi gati me përgjigje brenda një jave”, theksoi presidenti ukrainas.
Ursula von der Leyen, megjithatë, nuk parashikoi se kur mund të merrte një vendim politik BE-ja, për dhënien e statusit të kandidatit.
“Qëllimi ynë është të paraqesim kërkesën e Ukrainës në Këshillin Evropian këtë verë”, deklaroi në përmbyllje presidentja e KE-së.