Ekipi ligjor i Meghan Markle pretendon se dasma e saj me princ Harry-n solli £1 miliard nga turizmi.

Daily Mail raporton se shifra u zbulua nga një pjesë e dosjeve të Meghan Markle të paraqitura në gjykatë për veprimet ligjore kundër Mail on Sunday. Mail on Sunday pretendon se shumica e të ardhurave të dasmës – rreth £30 milionë – u siguruan nga taksapaguesit dhe shkuan për siguri, shërbimin e kishës, lulet dhe të tjera detaje të dasmës. Ndërkohë avokatët e Meghan-it pretendojnë se “dasma u financua nga vetë princi i Uellsit” (princ Charles, babai i princit Harry). Sipas tyre, të vetmet të ardhura të taksapaguesve u përdorën për të kontrolluar dhe mbrojtur turmën. Mail on Sunday i referohet një firme konsulence, e cila thotë se të ardhurat që solli dasma në turizëm ishin vetëm £300 milionë, ndërkohë që pjesa tjetër erdhi si pasojë e faktorëve ekonomikë jo të drejtpërdrejtë, si shitjet me pakicë dhe moda. Ekipi ligjor i Meghan Markle pretendon se dasma mbretërore gjeneroi £1 miliard në sektorin e turizmit.

Lexo po ashtu:  Një film shqiptar mes 20 filmave evropianë, që do shfaqen në kanalin arte.tv.

Kujtojmë se Meghan Markle është në një betejë ligjore me Mail on Sunday, për shkak se tabloidi botoi letrën që i ati, Thomas Markle, i shkroi dukeshës së Sussex-it.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *