Arben Llalla
Ti Greqi vazhdon të na poshtërosh, por Ne përsëri vijmë të lëpihemi tek Ty. Ti Greqi vazhdon të na vrasësh, por Ne përsëri dëgjojmë muzikën greke. Ti Greqi vazhdon të mos na duash, por Ne përsëri vijmë të pastrojmë halet tuaja. Ti Greqi vazhdon të projektosh zhdukjen e kombit shqiptar, por Ne përsëri vazhdojmë të dashurojmë çdo gjë tënden.
Nuk po e kuptojmë vetveten Ne shqiptarët!?
Ne shqiptarët përse e duam kaq shumë Greqinë, kur ajo na urren kaq tmerrsisht? Mos shkoni në një vend që sju duan. 600 euro gjobë? Pak është , do ta paguani nëse doni të shkoni në Greqi. Ende se keni kuptuar se si funksionon Greqia?
Bukë e hidhur me thikë pas shpine. Nuk është se shqiptarët e urrejnë Greqinë dhe grekët, janë grekët antishqiptar. Fajin e kanë Heronjët e 1821, fajin e kanë Kunduritotët, Boçarët, Pangallos, Kapodistria, Xhavellasit, Micotaqis, Zoto, Korizis, Kryezoti, Papadhopulos, Papa, etj., etj. Yjet që ndrisin Greqinë e në venat e tyre ka rrjedhur e rrjedh gjak shqiptari.