Përfaqësuesja e Zvicrës dhe ajo e Spanjës kanë publikuar formacionet zyrtare për ndeshjen e radhës të grupeve në Ligën e Kombeve.
Helvetikët janë nikoqir të ‘Furisë së Kuqe’ në ndeshjen e pestë të Grupit 4 në Ligën A të Ligës së Kombeve, ndeshje që zhvillohet në St. Jakob-Park nga ora 20:45.
Ekipi i trajneri Vladimir Petkovic vjen nga një barazim 3-3 me Gjermaninë dhe synon ta shfrytëzojë terrenin vendas për të marrë rezultat pozitiv edhe ndaj Spanjës.
Në anën tjetër, ekipi i Luis Enriques vjen nga humbja befasuese ndaj Ukrainës, por synon gjithashtu rezultat pozitiv për ta mbajtur pozitën e parë në grup.
Trajneri Enrique ka vendosur të bëjë disa ndryshime, ndërsa Petkovic luan me më të mirët.
Te Zvicra nga minuta e parë luajnë edhe dyshja shqiptare: Granit Xhaka dhe Xherdan Shaqiri.
Zvicra: Sommer; Widmer, Elveldi, Akanji, Rodríguez; Zuber, Xhaka, Freuler, Shaqiri; Embolo; Seferovic;
Spanja: Unai Simon; Roberto, Ramos, Pau Torres, Reguilon; Busquets, Merino; Ferran Torres, Fabian Ruiz, Olmo; Oyarzabal;