Nga Gëzim Mekuli
Gazetaria shqipe është me shumë probleme. Ajo është e përqëndruar në pasojat e vendimmarrjeve politike, por ky përqëndrim në pasoja është duke u bërë në drejtim e në mënyrë të gabuar; Në vend se të thuhet diçka rreth asaj se çfarë pasojash do të kenë për Ty dhe për Mua vendimmarrjet e gabuara politke, juridike a ekonomike nga këta njerëz të parlamentit të Kosovës, gazetarët shkruajnë e përqëndrohen në atë se çfarë pasojash “fatale” do të kenë këto vendimmarrje për minstrat e për individët partiak; “Harrohet” populli i varfër, harrohet, shkelet, shtypet e përbuzet femra shqiptare, harrohet e manipulohet me fshatin dhe fshatarët… pak flitet për 60% të popullsisë sonë…për fëmijët tanë.
Gazetaria e mirë politike duhet të jetë e orientuar në pasojat, por në pasojat që do përballohet lexuesi, pra populli, e jo gazetaria e cila është “e merakosur” për pasojat “fatale” të individëve politik a partiak.
Retorika e tillë të përkujton diktaturën dhe mediat e Titos dhe Leninit dhe sistemin e tyre të etshëm për kultin e personalitetit.
Sot, propaganda e orkestruar kundër cdo gjëje që ka rrënjë shqiptare është duke bërë kërdinë. Manipulimi me lajmin, me fotografinë dhe me gjuhën (tekstin), është në ofanzivë. Gazetarët e redaktorët e gazetarisë shqipe (lirisht mund ti quajmë edhe ativistë partiak dhe oligarkë) janë duke bërë çmos që shqiptarja, humanja, shteti dhe kombi të shtrëmbërohet e të zbehet. Lufta e medias shqipe është shigjetuar kundër Kryeministrit të Kosovës, Albin Kurti.
Ja ca shembuj nga titujt e disa portaleve të Prishtinës dhe të Tiranës: “Albin Kurti para Serbisë nuk ja del”, “Kurti i ka keq punët në bisedime me Serbinë”, “Albin Kurtit ja futën sanskionet”, “Kurti humbës para Serbisë” etj., etj.
Rrjedhimisht vërejmë se përqëndrimi i gazetarëve në person, e jo në veprim apo ceshtje, ka rëndësi të madhe për median shqipe.
Packa, këto portale e televizione, sikur e dëshirojnë dhe e thonë: Le të vdes shteti i Kosovës, s’ka problem! Le të humbë teritor Kosova, s’ka problem! Le të hyjë Serbia në Veri, por me rëndësi është t’a dëbojmë Albinin nga Qeveria, t’a dobësojmë Albin Kurtin si politikë e si individ, ta dobësojmë partinë shqiptare, VV-në!
Të nderuar lexues,
Kjo gazetari, e këta gazetarë e gazetare, edhe njëherë, po dëshmojnë se janë të këqinjë, shumë të këqinjë, shumë të cunguar, të pashkolluar, të palexuar, dhe, të punësuar tek oligarkia, partia e jo në media të hapura, objektive, etike, profesionale e mbi të gjitha humane.
Mund të theksoj se gazetaria në Kosovë, (e theksoj gazetaria shqipe në Kosovë, sepse gazetaria serbe në Kosovë, shumica prej tyre, ka si orientim Serbinë (Beogradin), e jo individin partiak serb, në një masë të tejmadhe), ka të bëjë rreth personave/individëve, e jo për proceset e vështira politike që po kalon Kosova stoike sot.
E këtë gazetari të keqe, të njëanshme, joprofesionale, joetike, gazetari biznesi e oligarkie, me të madhe, ështe duke e prodhuar dhe lansuar paraja e bizneseve të regjistruara nëper Serbi dhe paraja e vjedhur për 20 vjet nga toka e nga trupi i lodhur i Republikës së Kosovës.