Në kushtet në të cilat ndodhet futbolli, rëndësi ka vendosmëria e lëvizjes. E tani që rivalët e padëshirueshëm janë bërë mënjanë, insistimi i gjatë i Inter për sulmuesin francez Olivier Giroud mund të ketë rezultatet e shpresuara. Olivier kërkon një eksperiencë të re serioze, praktikisht kërkon të mbyllë karrierën në klubin e tij të ardhshëm e Inter është gati ti plotësojë dëshirën. Në këtë mënyrë zikaltrit mund ti dhurojnë Conte, për sezonin e ardhshëm, atë zëvendësues për Lukakun që e dëshiroi aq shumë gjatë merkatos së dimrit.
Në atë kohë ndërhyri Chelsea e tratativa e ndërtuar në bazën e 10 milionë eurove nuk u përfundua, por linja e komunikimit mbeti gjithnjë e hapur. Giroud ka një kontratë në skadencë në qershor e tani që është zot i fatit të tij i ka kërkuar Inter një kontratë për tre vjet, që duke qenë se tani është 33 vjec do të thotë deri në fund të karrierës. Për të marrë atë që kërkon, francezi është gati të reduktojë pagesën vjetore, që është afërsisht tetë milionë euro në sezon. Duhet të shkojë natyrisht nën 6,5 që është pagesa më e lartë që ka në skuadrën e Conte dhe është ajo që përfiton Lukaku e Eriksen, që kanë edhe bonus të rëndësishëm: Marotta e Ausilio janë gati ti ofrojnë një dy vjecare, me opsion për një vit të tretë. Opsion që do të ishte në dorën e klubit, ose mund të bëhet automatikisht në bazë të rezultateve personale.