Gjumi i ditës mund të jetë po aq efektiv jo vetëm për të rritur nivelin e energjisë por edhe për të zvogëluar shtypjen e lartë të gjakut. Kjo teori është paraqitur nga disa shkencëtarë në Greqi.
Gjumi i mesditës padyshim që rritë energjinë dhe produktivitetin, mirëpo pyetja është a mund të sjellë ndonjë efekt tjetër pozitiv. Një studim i ri i bërë nga Spitali I Përgjithshëm në qytetin e Voulas në Greqi, pretendon që ka zbuluar që gjumi gjatë ditës mund të ulë shtypjen e lartë të gjakut.
Një nga pjesëmarrësit e këtij studimi, Dr. Manolis Kallistratos do të prezantojë rezultatet në Kongresin e 68-të të Shkencës në New Orleans të hënën e ardhshme.
“Gjumi i pasdites zvogëlon shtypjen e lartë të gjakut në të njëjtin nivel sikur zvogëlimi i përdorimit të alkoolit apo kripës”, raporton Dr. Kallistratos.
Në këtë hulumtim u përdorën informacionet e 212 njerëzve të cilët kishin një shtypje stabile të gjakut 129.9 të shtypjes sistolike dhe 90 të shtypjes diastolike. Pjesëmarrësit në këtë hulumtim ishin mesatarisht 62 vite, dhe 1 në 4 prej tyre përdornin duhanin dhe kishin diabet.
Studiuesit ndanë pjesëmarrësit në dy grupe – në njërin grup ata të cilët praktikonin gjumin e mesditës dhe grupi tjetër të cilët nuk e praktikonin këtë gjumë. Ata shënuan matjet e shtypjes së gjakut, orët e gjumit të mesditës gjatë një dite dhe konsumimin e duhanit apo alkoolit.
Hulumtuesit vërejtën se personat të cilët praktikonin gjumin e mesditës kishin një ulje prej 5.3 mm Hg në shtypjen sistolike dhe shpjeguan që këtë ulje e bëjnë edhe barnat që përdoren kundër hipertensionit.
Këto gjetje janë të rëndësishme sepse edhe një ulje e shtypjes sistolike prej 2 mm Hg mund ta reduktojë rrezikun e çrregullimeve kardiovaskulare për 10%. Duhet të cekët që ky ishte studimi i parë i bërë për gjumin e ditës, dhe efektet e tij mbi shtypjen e lartë të gjakut duke rezultuar pozitiv.
/MekuliPress.com/
Shpërndaje dhe Pëlqeje MekuliPress