MekuliPress boton një poezi të Andon Zako Çajupit për grekët edhe shqiptarët, e cila ka në fakt doza të mëdha cinizmi ndaj fqinjëve, të cilëve poeti nuk i kursen me epitete, madje u vë në dyshim karakterin dhe pjellorinë.
Greku dhe shqipëtari
Greku –
Pse ju Shqipëtarë,
Kini djem të mbarë,
Të zgjuar, të zotë,
Të fort e të plotë?
Shuko djemtë tanë,
Sikur nukë hanë,
Të verdhë, të thatë,
Të trëmbur si gratë,
Të liq, të pabesë,
Pa turp e pa shpresë,
Gjak në zëmër s’kanë!
Tuajtë pse janë
Trima të vërtetë?
Shqipëtari–
Se i bëjmë vetë,
S’na ndihnë të tjerë,
Si ju, mor të mjerë.
/MekuliPress.com/
Shpërndaje dhe Pëlqeje MekuliPress