Gjendja e Michael Schumacher vazhdon të jetë një mister për të gjithë tifozët e Ferrarit dhe Formula 1. Askush nuk jep informacione dhe i vetmi që zbulon diçka rreth gjendjes së ish-kampionit është Jean Todt.
Ish-menaxheri i përgjithshëm i Ferrarit aktualisht mban postin e presidentit të Federatës Ndërkombëtare të Automobilizmit (FIA), dhe është ndër të vetmit që lejohet të takojë legjendën e Formula 1. Todt ka folur sërish për gjendjen e Schumarcher duke zbuluar se 7 herë kampioni i botës në Formula 1 vazhdon të luftojë me jetën.
“Schumacher vazhdon të luftojë, ne vetëm mund t’i urojmë atij dhe familjes që gjërat të përmirësohen”. Todt u pyet gjithashtu edhe për djalin e legjendës gjermane që garon në Formula 2. Sipas tij shumë shpejt Mick Schumacher do të garojë mes më të mirëve. “Mick Schumarcher ndoshta do të garojë në Formula 1 vitin e ardhshëm. Jemi të kënaqur që kemi përsëri një Schumacher në nivelin më të lartë në garat e shpejtësisë”.