ë paku katër mijë suedezë kanë instaluar në gisht të vetin çipin NFC (Near Field Communication), raporton CPH Post danez.
Në Danimarkë ky trend ende nuk është përhapur si në vendin fqinj, Suedi.
Çipi NFC ka madhësinë e monedhës së imët i futur në një kapsulë të qelqtë, e bërë asisoj që trupi të mos e hedh jashtë. Tash për tash kjo teknologji përmban sasi të vogël të dhënash, por varësisht nga puna për përsosjen e tij, planifikohet që ky çip të ketë përdorim të gjerë.
Kësisoj skandinavët në të ardhmen këtë çip do ta përdorin për pagesë të buletave të udhëtimit, si “çelës elektronik” për të hyrë në ndërtesën e banimit, por edhe për nevoja të përcjelljes së lëvizjes, sepse ky çip mund të lokalizojë vendndodhjen edhe në distanca të mëdha, përcjell Koha.net.
/MekuliPress.com/
Shpërndaje dhe Pëlqeje MekuliPress