Pasi goditi me sa fuqi që kishte ishujt në Bahamas, uragani Dorian mori drejtimin për në SHBA.

Kështu, për t’i paraprirë situatës, një burrë në Florida e futi makinën e tij, tip Smart brenda në kuzhinë pasi kishte frikë se mos ia merrte era.

Të paktën kështu ka shkruar bashkëshortja e tij në një postim që kishte bërë në Facebook.

Jessica Eldridge tha se burri i saj, Patrick kishte frikë ‘se mos ia merrte era makinën’ dhe për këtë arsye e parkoi brenda shtëpisë së tyre. Ajo shtoi më tej se makina e saj ndodhej në garazh.

Qendra ku do të godiste stuhia e fuqishme tropikale ishte në lindje të Jacksonville ndërkohë që stuhia lëvizte nëpër bregun Atlantik të SHBA-ve si një stuhi e kategorisë së dytë me erëra që shkonin deri në 169 km/h.

Stuhia qëndroi për dy ditë në Bahamas ku bëri dëme katastrofike dhe u mori jetën më shumë se 20 personave. /MekuliPress/ – Shpërndaje dhe Pëlqeje gazetën e pavarur “MekuliPress”

Lexo po ashtu:  Era e fortë/ 500 mijë euro dëm vetëm në objektet publike në Pejë! Shifra pritet të rritet më tej pas deklarimit të qytetarëve

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *