Kryeministri i Kosovës, Albin Kurti, ka bërë homazhe te varri i Arben Xheladinit, në 13-vjetorin e vrasjes së tij.
Kurti gjatë homazheve ishte i shoqëruar nga bashkëpartiakët e tij.
Kryeministri pritet të bëjë homazhe edhe te varri i Mon Balajt në Podujevë dhe homazhe tek pllaka përkujtimore e dëshmorëve Arben Xheladini dhe Mon Balaj në bulevardin “Nënë Tereza”.
Dy aktivistët e Lëvizjes Vetëvendosje, Arben Xheladini dhe Mon Balaj, derisa protestonin kundër negociatave të Kosovës me Serbinë dhe Pakos së Ahtisaarit, u vranë më 10 shkurt nga policia rumune e UNMIK-ut, 13 vjet më parë.
Ishte policia e rumune e UNMIK-ut, ajo që reagoi në mënyrë të dhunshme me ç’rast janë përdorur edhe armë vdekjeprurëse.
Përveç vrasjes së dy aktivistëve, kishte edhe shumë të plagosur.