Kryeministri i Kosovës, Albin Kurti, ka shkruar një opinion për mediumin gjerman “Frankfurter Allgemeine Zeitung”, përmes të cilit u ka dërguar një mesazh ambasadorit Richard Grenell dhe presidentit të SHBA’së, Donald Trump.
Detaje lidhur me këtë opinion që do të publikohet edhe në versionin e shtypur të gazetës gjermane, ka thënë gazetari i këtij mediumi, Michel Martens.
Martens ka ndarë një citat të Kurtit nga opinioni i shkruar për FAZ.
Sipas këtij citati, Kurti ka thënë se një marrëveshje e arritur me presion dhe kërcënime nuk vlen asgjë.
“Marrëveshjet që për bazë e kanë presionin dhe kërcënimet nuk vlejnë as sa letrat në të cilat i vëmë nënshkrimet tona”, citohet të ketë thënë kryeministri Kurti.
Për gazetarin Martens, opinioni i Kurtit që do të publikohet në FAZ, është një rikujtim miqësor për Grenellin dhe Donald Trumpin.
Ky shkrim i Kurtit vjen pas përplasjes që ka pasur me Përfaqësuesin Special të Trump për dialogun Kosovë-Serbi, Richard Grenell, rreth taksës.
Grenell nuk e ka pëlqyer fare vendimin e Kurtit për heqje të pjesshme të taksës, duke thënë se tarifa duhet të hiqet plotësisht dhe pa kushte, ndërkohë i ka rikujtuar kryeministrit të vendit se po bën një gabim shumë serioz.
Michael Martens
@Andric1961
Kosovas Prime Minister Albin Kurti wrote an op-ed for FAZ containing a friendly reminder for @RichardGrenell & his boss: “Deals based on pressure and threats are not worth the paper we put our signatures on.” FAZ print edition, tomorrow – or online for subscribers as of 8pm.
27
5:01 PM – Mar 6, 2020
Twitter Ads info and privacy
See Michael Martens’s other Tweets