Për shkak të rritjes së numrit të madh të viktimave dhe të infektuarve në Serbi nga koronavirusi, Kroacia posa ka mbyllur kufijtë me ketë vend fqinj, çka ka shkaktuar telashe në komunikacion duke bllokuar qindra pasagjerë kryesisht shqiptarë për shkak kolonave dhe pritjeve të gjata ne kufi.
Bëhen kolona të gjata deri në 5-6 km dhe pritje deri në tetë orë të veturave dhe autobusëve me plotë udhëtar nga Kosova, Maqedonia dhe Lugina e Preshevës që ia kanë mësyrë Zvicrës, Gjermanisë dhe vendeve tjera perëndimore.
Mësohet se janë bllokuar mbi një mijë shqiptarë në kufirin Serbi-Hungari (Horgosh dhe Batrovci) pasi Kroacia ka mbyllur sot kufijtë.
Reagimet dhe mesazhi i parë nga bashkëbiseduesit e bllokuar në mes kufirit serbo-hungerez është që të mos nisen për momentin qytetarët nga Kosova, Maqedonia nga Presheva se puna është “viran”.
“Ne jemi të bllokuar qe 7 orë”, thonë disa udhëtarë.
Që nga 08:10 kemi mbetur aty të bllokuar, pa lëvizur fare. Edhe nëse niset dikush për vendet evropiane, të niset kah Hungaria, sepse Kroacia sapo i ka mbyllur kufijtë. Edhe nëse niseni bile merrni ujë, buke, e gjëra të tjera”, kanë thënë qytetarët.