Muajin e kaluar Wuhan në provincën Hubei të kinës ishte dërrmuar nga pandemia e korona virusit të ri me mijëra raste të reja të raportuara çdo ditë, autoritetet kineze raportuan të enjten se në këtë qytet dhe rrethinë e tij nuk ka raste të reja.
Autoritetet kineze nuk kanë raportuar raste të reja në Wuhan por raportuan 8 vdekje shtesë nga pandemia.
Wuhan ka qenë i mbyllur për qarkullim që nga janari, e zyrtarët po lëvizin drejt lehtësimi të restrikcioneve të qarkullimit por vetëm në rrethinën e provincës Hubei dhe shumica e postblloqeve do të hiqen. Wuhan do të mbetet i shkëputur ku vetëm një leje speciale mundëson udhëtimin brenda apo jashtë qytetit.
Largimi i karantinës do të largohet nga Wuhan vetëm nëse nuk raportohen raste të reja të Covid-19 për dy javë rresht, që mund të ndodhë muajin e ardhshëm.
Pandemia që nisi në Wuhan nga korona virusi i ri ka 218910 raste të infektimit me korona virusin e ri dhe ka rezultuar me 8925 vdekje të regjistruara sipas shënimeve të fundit, shumica prej tyre në Kinë, Itali dhe Iran.
Organizata e Kombeve të Bashkuara ka paralajmëruar se pandemia mund të shkaktoj humbjen e afërsisht 25 milion vende pune në botë.
Edhe pse Kina ka ende rastin më të madh të raportuar të rasteve shumica e pacientëve janë shëruar. Edhe pse ka që dyshojnë në shifrat e pushtetit autoritar komunist për shkak të qasjes fillestare të tyre ndaj epidemisë dhe përvojës së kaluar dhe përpjekjeve të tanishme për të ruajtur reputacionin e tyre.
Pandemia ka lëvizur dhe epiqendra është bartur në Europë, ku Italia është më e goditura dhe po i afrohet shifrave të Kinës, me 2900 vdekje të regjistruara gjithsej, 475 vetëm ditën e mërkurë. Totali në Kinë është regjistruar rreth 3200. Irani eshtre goditur rëndë po ashtu me më shumë se 1100 raste të vdekjeve.