Presidenti i Francës, Emannuel Macron në nisje të vizitës së tij në Tiranë i ka dorëzuar shkrimtarit tonë të madh, Ismail Kadare, titullin e lartë “Oficer i Madh i Legjionit të Nderit”. Ceremonia u mbajt në Pallatin e Brigadave, në prani të kryeministrit Edi Rama, familjes së shkrimtarit dhe personaliteteve e miqve të tjerë të ftuar. Kjo është vizita e parë zyrtare e një presidenti francez në Shqipëri. Nesër ai pritet të takohet me kreun e shtetit Bajram Begaj.