Kosova, por sidomos Kryeministri i saj, është vërtetë para një situate jashtëzakonisht të palakmueshme. Në njërën anë, ajo si shtet i pavarur që është mëton të ekzistojë si i pavarur, të veprojë si i tillë, të i marrë vendimet vetë pa ndërhyrje nga jashtë. Në anën tjetër, nga aspekti i sigurisë ajo është një shtet pothuajse plotësisht i varur në sigurinë që ofrojnë SHBA-të. Nga ana e tyre, SHBA-të duan që Kosova të veprojë ashtu siç ata i diktojnë asaj dhe e kërcënojnë Kosovën me heqjen e mbrojtjes nëse ajo nuk pranon diktatet e saja. Me miq si SHBA-të Kosova ska nevojë për armiq.
Me dhimbje e them, por nëse Trump seriozisht e kërcënon Kosovën me heqjen e ushtarëve të saj, atëherë Kosova duhet të veprojë ashtu siç i dikton Amerika, përderisa kërkesat e saja nuk janë për shkatërrimin e integritetit territorial të Kosovës. Pa sigurinë e Amerikës dialogu me Sërbinë mund të bëhet i pamundshëm, dhe marrëdhëniet mes Kosovës dhe Sërbisë kurrë nuk do të zgjidhen. Kosova mund të bëhet Palestina e Sërbisë.
Nuk e di, ndoshta Kryeministri Kurti duhet ta heq taksën pa asnjë kusht në mënyrë që dialogu të fillojë nën mbikqyrjen e SHBA-ve. Kushtet e reciprocitetit mund të vendosen pas arritjes së ndonjë mirënjohje nga Sërbia. Nuk është zgjedhja jonë, as vendimi jonë, por në kushtet aktuale kjo mund të jetë zgjidhja më optimale.