Pas Greqisë, patentat shqiptare njihen edhe në Turqi
Vetëm disa ditë pasi Parlamenti grek miratoi njohjen e ndërsjellë të patentave mes Shqipërisë dhe Greqisë, përmes një marrëveshjeje, edhe Turqia do të bëjë të mundur njohjen dhe konvertimin e patentave të të gjithë shtetasve shqiptarë,
Kjo marrëveshje u firmos gjatë ditës së sotme dhe do të hyjë në fuqi pas miratimit në parlamentet e të dy vendeve.
Po ashtu ata nënshkruan edhe dy marrëveshje të tjera sa i përket shkëmbimit të diplomatëve si dhe në luftën kundër krimit të organizuar, korrupsionit, ekstremizmit dhe terrorizmit
Marrëdhëniet e qëndrueshme mes dy vendeve tona janë të rrënjosura jo vetëm në lidhjet historike, por edhe të mirëvendosura në një rrafsh ndërveprimi intensiv dypalësh, bashkëpunimi konstruktiv në organizata ndërkombëtare e partneritet të qëndrueshëm në NATO, deklaroi ministri i Jashtëm Cakaj, i cili i sqaroi disa marrëveshje që lehtësojnë njohjen e patentë shoferëve të të dy vendeve.
Vetëm një vit më parë Greqia njohu patentat shqiptare, por marrëveshja u miratua në Parlamentin grek në janarin e këtij viti. Tashmë për marrëveshjen e re mbetet vetëm që Parlamenti shqiptar dhe ai turk ta kalojnë.