Përdorimi i medias sociale është rritur ndjeshëm ndërsa njerëzit janë të izoluar për shkak të pandemisë së koronavirusit.
Një mashtrim i cili promovon një version me pagesë të WhatsApp dhe që gjoja përdoret nga njerëzit me famë po qarkullon në rrjetet sociale.
Quajtur WhatsApp Gold, përdoruesve të këtij aplikacioni u premtohen funksionalitete shtesë si dhe u jepen lidhje të cilat nëse i klikojnë mund të përfundojnë duke shkarkuar maluerë.
Përdorimi i medias sociale është rritur ndjeshëm ndërsa njerëzit janë të izoluar për shkak të pandemisë së koronavirusit.
Në një deklaratë zyrtare kompania mëmë e WhatsApp, Facebook, ka thënë se po përballet me një kërkesë eksplozive në rritje të shërbimeve në javët e fundit ndërsa njerëzit po kthehen nga media sociale për të qëndruar në kontakt me familjen, miqtë e kolegët e tyre.
Mashtrimi WhatsApp Gold ka qarkulluar prej kohësh por vetëm në ditët e fundit ka dalë në sipërfaqe së bashku me mashtrime të tjera.
Një tjetër mashtrim që po qarkullon po në WhatsApp është ai i një videoje quajtur “Martinelli” dhe që përdoruesve u thuhet se nëse e shikojnë telefoni i tyre do të dëmtohet.
Videoja në fjalë nuk ekziston realisht dhe sikur të ekzistonte nuk mund të bëjë dëm nëse shihet nga brenda WhatsApp-it.
Mesazhi po qarkullohet nga njerëz të cilët mendojnë se janë duke i ndihmuar miqtë dhe të tjerët por që vetëm i frikësojnë ato.