Ndër shumë vajza dhe gra shqiptare që po tregohen të suksesshme në fusha të ndryshme në botë, është sigurisht edhe Mimoza Sejdiu.
Mimoza Sejdiu është politologe me Master në “Public Policy nga Hertie School of Governance” dhe anëtare e çmuar e organizatës OASA e.V.
Ajo është emëruar në fund të vitit 2019 si referente në Ministrinë e Punëve të Brendshme të Republikës Federale të Gjermanisë për çështje digjitale dhe teknologji informative.
Ajo ka studiuar edhe në Universitetin e Cyrihut për “Political Science”.
Mimoza është një vajzë energjike, me ambicie të mëdha për jetën, duke mos ndaluar së punuari për synimet dhe qëllimet e saj.