Mark Zuckerberg është armik i shtetit dhe e ka vendin në burg. Regjisori dhe historiani Ken Burns ishte shumë i drejtpërdrejtë kur u pyet për themeluesin e Facebook. Në një intervistë për “New York Times”, ku promovoi një film të ri për Muhamed Ali Burns u pyet nëse një figurë e veçantë e teknologjisë mund të bëhet aq e rëndësishme nga pikëpamja kulturore në disa dekada, sa është legjenda e boksit tani.

“Shpresoj që Zuckerberg të jetë në burg deri atëherë. Ai është armik i shtetit, dhe e kam fjalën këtu për Shtetet e Bashkuara. Atij nuk i bëhet vonë për ne, Shtetet e Bashkuara. Ai e di se mund ta kapërcejë çdo pengesë dhe mund të ikë në çdo vend. Dhe e gjitha kjo thjesht për fitim.”

Burns u ndal edhe te Sheryl Sandberg, drejtoresha aktuale operative e Facebook dhe numri dy pas Zuckerberg. Ai tha se për Facebook dhe kompanitë e tjera të rrjeteve sociale duhet një proces si ai i Nurembergut në vitin 1946 – duke shtuar se është i vetëdijshëm se një gjë e tillë nuk do të ndodhë.

Lexo po ashtu:  "𝗘̈𝘀𝗵𝘁𝗲̈ 𝗯𝘂𝗱𝗮𝗹𝗹𝗮𝗹𝗹𝗲̈𝗸 𝘁𝗲̈ 𝗱𝗲𝗯𝗮𝘁𝗼𝘀𝗵 𝗺𝗲 𝗮𝘁𝗮 𝗾𝗲̈ 𝗻𝘂𝗸 𝗸𝗲̈𝗿𝗸𝗼𝗷𝗻𝗲̈ 𝘁𝗲̈ 𝘃𝗲̈𝗿𝘁𝗲𝘁𝗲̈𝗻". 𝗣𝘀𝗲 𝗱𝗲𝗯𝗮𝘁𝗲𝘁, 𝐬𝐢𝐩𝐚𝐬 𝐏𝐥𝐚𝐭𝐨𝐧𝐢𝐭, 𝗷𝗮𝗻𝗲̈ 𝗯𝘂𝗱𝗮𝗹𝗹𝗮𝗹𝗹𝗲̈𝗸 𝗱𝗵𝗲 𝐭𝐞̈ 𝗿𝗿𝗲𝘇𝗶𝗸𝐬𝐡𝐦𝐞. 𝗩𝗲̈𝗿𝗲𝗷𝘁𝗷𝗲 𝗽𝗲̈𝗿 "𝗱𝗲𝗯𝗮𝘁𝗲𝘁" 𝗻𝗲̈ 𝗞𝗼𝘀𝗼𝘃𝗲̈

“Një Nuremberg për këta, nëse ndodh ndonjëherë, gjë që nuk do të ndodhë, do të jetë mjaft interesant”, tha Burns.

Megjithë qëndrimin e Burns, shefi i Facebook dhe Sandberg, sipas Times, kanë një marrëdhënie gjithnjë e më të tensionuar.

“Marrëdhënia e ngushtë e mëparshme e punës” e Sandberg dhe Zuckerberg po prishet pasi Zuckerberg po i merr më shumë përgjegjësi Sandbergut”, raportonte “Times” më 9 korrik.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *