MekuliPress shtroi pyetje publike se përse Ambasada e Shteteve të Bashkuara të Amerikës në Kosovë kishte ndërruar fotografinë e profilit në Facebook.
Edhe pse dizajni i ri i vulës së Departamentit të Shtetit Amerikan ka marrë mbi tre mijë pëlqime, nuk kanë munguar komentet kritike.
Ndryshimi që ka kapur vëmendjen ishte se në vulën e mëparshme shkruante: “United States of America – Embassy Kosovo”, ndërsa në vulën e tanishme shkruan: “United States Embassy – Pristina”.
Kjo bëri që shumë komentues të pyesin pse në dizajnin e ri ndodhet emri i kryeqytetit në vend se të ndodhej emri i shtetit.
“A nuk jemi më shtet?” – ka pyetur një komentues në gjuhën angleze.
“Është një ribrendim global i Departamentit të Shtetit, me ç’rast referenca është kryeqyteti dhe jo shteti. Secila ambasadë është në proces të ndryshimit të kësaj vule”, thuhet në shpjegimin e Ambasadës Amerikane.
Ne faqen zyrtare te ambasades se SHBA-se ne Kosovë ne facebook gjindet kjo steme.
