Rasti i Lautaro Martinezit mund të marrë një kthesë të papritur, si pasojë e ndërhyrjes së Real Madridit. Edhe pse dëshira e lojtarit argjentinas është të luajë për Barcelonën, në kryeqytetin spanjoll shpresojnë ta bindin atë të veshë fanellën e bardhë.
Sipas raporteve të “Sky Italia”, entiteti i kryesuar nga Florentino Pérez duket gati të përfitojë nga “inkuizicioni” i negociatave midis klubeve. Piero Ausilio kohët e fundit përsëriti që, nëse Barça e dëshiron lojtarin, duhet të paguajë klauzolën 111 milionë euro, pa asnjë homolog në operacion. Lautaro i ka thënë Interit se do të transferohet te Barça, por në “Bernabeu” shpresojnë që ky vendim të mos jetë përfundimtar. Nëse ditët kalojnë dhe skuadra katalonase nuk gjen formulën për të kënaqur pretendimet ekonomike të zikaltërve, që deri më sot duan vetëm para të gatshme, gjë që e ndërlikon blerjen e Lautaros, atëherë mund të ndërhyjë Perez.
I blinduar nga PSG, Kylian Mbappe nuk është një opsion për këtë verë për të bardhët. Po, është Erling Haaland, megjithëse interesi për norvegjezin nuk është i plotë për momentin. Mund të ndodhë që Real Madridi të anojë kah Lautaro. Zidane ka bërë thirrje për një golashënues, një 9 me aftësi të spikatura si Haaland dhe Lautaro. Lojtari i Dortmundit sapo ka mbërritur në Gjermani, kështu që duket e vështirë të largohet nga “Signal Iduna Park” këtë verë. Në çdo rast, lëvizja e Real Madridit mund të kuptohet vetëm si një element i presionit për të rritur transferimin e Lautaro te Barça, një klub që sot mbetet favoriti kryesor për ta marrë argjentinasin.