Gjiganti spanjoll duket se është dorëzuar për sivjet, pas krizës financiare të shkaktuar nga koronavirusi
Real Madridi nuk pritet të bëjë përforcime të mëdha gjatë verës që vjen.
Por, gjiganti spanjoll pritet të jetë mjaft aktiv në vitin 2021.
E përditshmja spanjolle “AS” shkruan se “Los Blancos” po planifikojnë t’i transferojnë vitin tjetër Kylian Mbappen e Erling Haalandin, përcjell Gazeta Express.
Mbretërit synonin t’i transferonin yllin e Paris Saint-Germainit dhe atë të Borussia Dortmundit gjatë kësaj vere, por të gjitha planet ua prishi pandemia koronavirus.
Eden Hazardi, të cilin Reali e transferoi nga Chelsea verën e kaluar, mund ta kompletojë treshen e frikshme me Haaland e Mbappe.