Regjisori Roman Polanski ka kërkuar nga gjykata kthimin e anëtarësimit të tij në Akademinë Amerikane të Arteve filmike dhe Shkencave për gati një vit pasi ishte përjashtuar nga ky institucion për sjellje të pahijshme.
Akademia në muajin maj të vitit të kaluar ka bërë një lëvizje të pazakontë duke përjashtuar Polanski dhe aktorin Bill Cosbyn, pak muaj pasi ajo anuloi anëtarësimin e producentit Harvey Weinstein për shkak të akuzave për keqtrajtim seksual.
Ai u ankua për vendimin dhe akademia refuzoi ankesën e tij në janar, transmeton KosovaPress.
Polanski, i cili në vitin 2003 fitoi çmimin Oskar për regjisorin më të mirë për filmin “The Pianist”, është ende një i arratisur pasi ai u vetëdeklarua fajtor për marrëdhënie seksuale të paligjshme me një të mitur në vitin 1977. Pas vendimit, ai iku nga SHBA-të dhe tash jeton në Evropë.
Ishte anëtar i Akademisë për gati 50 vjet deri në kohën kur u përjashtua dhe filmat e tij kanë qenë të nominuar për 28 çmime Oscar.
Përjashtimi i Polanskit nga grupi do të thotë se ai nuk mund t’i votojë më për kandidatët dhe fituesit, mirëpo ai dhe filmat e tij mund të fitojnë çmime Oscar.
Pas përjashtimit të Weinstein, Akademia rishikoi standardet e sjelljes për më shumë se 8.400 anëtarë. Akademia deklaroi se nuk është një vend për “njerëzit që abuzojnë me statusin e tyre, fuqinë dhe ndikimin në një mënyrë që shkel standardet e mirësjelljes”.
Burimi:
/MekuliPress.com/
Shpërndaje dhe Pëlqeje MekuliPress
