Sami Musa është kandidat i parë shqiptar për deputet në parlamentin e Hamburgut në zgjedhjet që do të zhvillohen me 23 Shkurt. Ai do të garojë në listën e Partisë Social Demokrate – SPD-së. Samiu vjen nga një familje patriotësh dhe cilësohet si njeri mjaft i përshtatshëm për ta përfaqësuar komunitetin shqiptar por edhe atë gjerman në politikë. Synimet e tij janë të drejtat më të mëdha për shqiptarët dhe komunitetet jo gjermane.
Edukata e qëndrueshme me sens të lartë patriotik në familje ka bërë që ai të ketë qëndrim të qartë për sfidat që e presin. Mbështetje në rrugëtimin e tij ka marrë edhe nga deputeti i Bundestagut Metin Hakverdi.
“E shikoj me shumë vëmendje dhe interes këtë kandidim. Mendoj që është një sinjal shumë i mirë që komuniteti shqiptarë por dhe komunitetet tjera, të veprojnë në sistemin zgjedhor, ku mund të jenë pjesë e zgjedhjeve dhe të përfaqësojnë në senat komunitetet e tyre”, tha Metin Hakverdi – Deputet i Bundestagut
Kandidimi i tij zgjon shpresë për shqiptarët e Hamburgut që të ketë më shumë mundësi për kulturën dhe gjuhën shqipe në këtë vend.
Artisti i njohur nga Prishtina që jeton dhe vepron në Gjermani Mentor
Ejupi thotë se është më se e rëndësishme që krahas bizneseve dhe
fushave tjera, shqiptarët ta kenë një zë të fuqishëm edhe në politikë.
Sami Musa është djali i veprimtarit dhe humanistit të shquar në diasporë
Xhelil Musa i cili prej 50 vjetësh, sa jeton në Gjermani ka ndihmuar në
forma të vazhdueshme të gjithë, me theks të veçantë sportin në Shqipëri
dhe Kosovë.
Në mbledhjen e SPD-së, Sami Musa ka marrë mbështetjen edhe të presidentit të Hamburgut që njëherësh është edhe kryetar i SPD-së, Peter Tschentscher.
“Përvoja e tij na mundëson që ne të dijmë se si të veprojmë me popujt që kanë këto probleme identike në Hamburg. Prandaj mendoj që kandidimi i tij do të jetë shumë i mirë së ardhur për ne dhe do të jetë produktiv për parlamentin e Hamburgut dhe per SPD-në” tha Peter Tschentscher – President i Hamburgut dhe i SPD-së.
Kandidimi për deputet ne parlamentin e Hamburgut i një shqiptari është shumë i rëndësishëm krahas përfaqësimit dhe mbrojtjes së interesave të shqiptarëve që jetojnë dhe punojnë në Hamburg. Sami Musa garon nën numrin 54 të SPD-së dhe kërkon 5 votat e secilit prej jush./RTK/