Zv. Presidentja e SHBA, Kamala Harris ka deklaruar në Konferencën e Munihut se Rusia është përgjegjëse për krime kundër njerëzimit në Ukrainë. Ajo ka folur për “sulme të gjera dhe sistematike” kundër popullsisë civile, ekzekutime, tortura, përdhunime dhe deportime me forcë.
Veprimet e tyre janë një sulm kundër vlerave të përbashkëta, një sulm mbi humanitetin tonë të përbashkët, është shprehur ajo duke iu referuar pamjeve nga Bucha.
SHBA ka përcaktuar formalisht se Rusia ka kryer krime kundër njerëzimit, ka shtuar Harris, duke sinjalizuar kështu se ideja e Kievit për të ngritur një Gjykatë Ndërkombëtare kundër Krimeve në Ukrainë, ka mbështetje.