Mëngjesin e sotëm ndërroi jetë pacienti i shtruar në spitalin Infektiv, i konfirmuar me COVID-19, i cili ishte në gjendje të rëndë, në respirim të drejtuar në reanimacion. Lajmi është konfirmuar nga Ministria e Shëndetësisë dhe Mbrojtjes Sociale.
66-vjeçari nga Lushnja prej disa ditësh ishte i shtruar në shërbimin Infektiv, në gjendje të rëndë.
Me anë të një njoftimi për shtyp, Ministria e Shëndetësisë dhe Mbrojtjes Sociale bën të ditur se pacienti vuante nga disa sëmundje shoqëruese: insuficenca kardiake, edemë pulmonarë dhe insuficencë renale.