Trump, “making China great”, fundi i “erës Reagan” dhe konfuzioni ideologjik:
1. Me tërheqjen e SHBA-ve nga skena ekonomike botërore, Trump i hapi rrugën zmadhimit të ndikimit ekonomik të Kinës kudo në botë, nisur nga Afrika dhe sosur në kontinetet e tjerë;
2. Me tërheqjen e SHBA-ve nga prania ushtarake nëpër botë, Trumpi e bëri të madh rrezikun ushtarak, në Azi atë koreanoverior ndaj Koresë së Jugut, dhe në Europë e në Lindjen e mesme atë rus.
3. E përbashkëta e presidentit rus, kinez e koreanoverior është trashëgimia që e qujanë komuniste (KGB) e të parit, komunizmi i moderuar i të dytit, dhe komunizmi ekstrem i të tretit.
4. Duke e bërë të madhe Rusinë, Kinën dhe Korenë e Veriut, në shkallë botërore Trumpi po i jep fund në favor të komunizmit “erës Ragan” që promovonte në atë shkallë triumfin e neoliberalizmit.
5. Me mbylljen e SHBA-ve brenda vetes, Trumpi, nga njëra anë, pranon si të drejtë kritikat sovjetike, kineze e shqiptare-enveriste për rolin e “xhandarit ndërkombëtar” që s’duhej të luajnë SHBA-të dhe, nga ana tjetër, i përgjigjet pozitivisht kërkesës së tyre për kthimin e ushtarëve amerikan në shtëpitë e tyre: Yankee go home! Të cilëve Trumpi u përgjigjet: yes sir yes!
6. Kush të dojë nga shqiptarët mund të krenohet se politikën e vetizolimit të SHBA-ve Trumpi duhet ta ketë mësuar prej vetizolimit të Shqipërisë nga Enver Hoxha.
6. Noshta edhe ëndrrën autarkiste e ka mësuar prej tij. Prodhuesit amerikan të kthyer nga Trumpi brenda SHBA-ve mund të punësojnë shumë amerikanë e të superprodhojnë, por me politikën e sanksioneve ndaj “gjithë” botës Trumpi ia mbyll mundësinë e tregut jashtëm, sepse sanksionet gjithmonë i drejtohen sa të sanksionuarit aq dhe sanksionuesit. (Sigurisht po të përjashtohet zmadhimi i tregut të zi).
7. Ndoshta amerikanët e Trumpit prodhimet ia shesin njëri tjetrit, duke ndërtuar një sistem të mbyllur të vetëmjaftueshëm, ose siç thuhej në antikitet, sistem autarkist, fiks siç e ëndërronte Enver Hoxha sistemin e Shqipërisë.
8. Mbas gjithë këtyre, i vetmi kuptim i zhurmës së Trumpit kundër së majtës, socializmit e komunizmit brenda SHBA-ve, mbetet të jetë se Trumpi i konsideron ata revizionistë dhe tradhëtar të marksizëm-leninizmit.
9. Me angazhimin e tij pro të drejtave LGBT, etj., Trumpi nuk ka asnjë lidhje me konservatorizmin amerikan por rreshtohet krah ideologjive progresiste.
Ky është Trumpi nga çka bën, jo nga çka thotë për veten. Për veten ka shumë burra që edhe sot e tërë ditën thonë që janë Louis i XIV ose “mbreti diell” i Francës.
(P.s. termat për ideologjitë janë lënë pa thonjëza, sepse vetë ata për të cilët flitet nuk i vendosin brenda thonjëzave)
Hysamedin Feraj