Presidenti Donald Trump nënshkroi një urdhër të hënën duke ndaluar përkohësisht aksesin e disa lloje vizash me qëllim pune dhe studimi, duke prekur kështu qindra mijëra njerëz që kërkojnë të punojnë dhe studiojnë në SHBA. Industria e teknologjisë tha që masa do të dëmtonte ekonominë.
Urdhri ngrin vizat e reja H1-B dhe H-4, të përdorura nga punëtorët e teknologjisë dhe familjet e tyre, si dhe vizat L për transferime brenda kompanive dhe shumicën e vizave J për programet e punës dhe studimit jashtë vendit, përfshirë dhe babysitter, deri në fund të viti. Lëshimi i green-kartave të reja gjithashtu do të mbetet i pezulluar deri në fund të vitit.
Ky vendim do të ndalojë gjithashtu disa viza H2-B për punëtorët sezonalë, me një përjashtim për ata në industrinë e përpunimit të ushqimit, sipas një zyrtari të lartë të administratës që informoi gazetarët të hënën.
Twitter Inc. dhe Amazon.com Inc. e quajtën rendin “dritëshkurtër”, duke thënë se puna në teknologji e emigrantëve mund të ndihmojë rimëkëmbjen ekonomike të SHBA nga pandemia koronavirus. Drejtori Ekzekutiv i Alfabet, Sundar Pichai tha në Twitter se ishte “i zhgënjyer” dhe se “ne do të vazhdojmë të qëndrojmë me emigrantët dhe të punojmë për të zgjeruar mundësitë për të gjithë.”
Trump ndërmori këtë vendim në një kohë kur SHBA po përballen me një shkallë papunësie prej 13.3% pasi bizneset u mbyllën ose zvogëluan stafin në përgjigje të shpërthimit të virusit. Urdhri i presidentit nuk do të prekë punëtorët emigrantë që tashmë i disponojnë vizat.
“Në rrethanat e jashtëzakonshme të tkurrjes ekonomike që vijnë nga shpërthimi i Covid-19, disa programe vizash jo-emigruese që autorizojnë një punësim të tillë paraqesin një kërcënim të pazakontë për punësimin e punëtorëve amerikanë,” tha Trump në urdhrin e tij.
Duke folur të Shtunën në një intervistë për Fox Neës, Trump tha se ai dëshiron që Amerikanët të punësohen në vende që në të kundërt do të ziheshin nga personat që u lejohet të marrin viza qëndrimi. “Ne kemi shumë njerëz që kërkojnë punë,” i tha ai Fox. “Unë mendoj se do të bëjë shumë njerëz të lumtur.”
Trump publikoi një mesazh në kulmin e pandemisë koronavirus se ai planifikon që “të pezullojë përkohësisht emigracionin në SHBA”. Grupet e industrisë, të tilla si Dhoma e Tregtisë e SHBA-ve dhe Këshilli i Industrisë së Teknologjisë së Informacionit, i shkruan Trump-it për të shprehur shqetësimin e tyre se kufizimet do të prishin biznesin dhe do të pengojnë rritjen.
SHBA lëshuan më shumë se 900,000 viza në vitin fiskal 2019 në kategoritë që Trump planifikon të ngrijë deri në fund të vitit. (Bloomberg)