“E kam bërë shumë shpesh vajtje-ardhje, duke rrezikuar jetën time për të ardhur këtu, duke kaluar Shqipërinë nëpër male. Jam fshehur në një kamion, kam ardhur në Itali dhe jam rikthyer në Ancona”.
Kjo është deklarata e rekordmenit shqiptar të dëbimeve në Itali. 36-vjeçari Emiljano Fejzo ka thyer heshtjen dhe ka folur më një program televiziv të quajtur “Drito e Rovescio”. I riu shqiptar është arrestuar sërish dhe është në pritje të depërtimit për herë të 14-të. Rekord e quajnë mediat italiane këtë shifër.
Përballë gazetarit Francesco Selvi, Fejzo tregoi se pse rikthehet në Itali sa herë që e dëbojnë. Madje në fund ka një kërkesë për ministrin e Brendshëm italian, Matteo Salvini.
“Nuk mund t’jua them se si kam hyrë ilegalisht, por gjithmonë kam rrezikuar jetën. Kam kaluar male i vetëm kur kishte arinj, jam fshehur në një kamion dhe arrita në Ancona. Kthehem gjithmonë sepse e dua shumë partneren time, e cila është e sëmurë me Parkinson, nuk ecën dhe ka nevojë për kujdes mjekësor. Nëse duan të më ndihmojnë përse nuk më japin një punë? Kur kam qenë i ri kam tentuar të grabis, por tani nuk bëj asgjë të keqe. U premtoj të gjithëve se nuk do të bëj asgjë. I kërkoj Salvinit që të më japë dokumentet dhe të më gjejë një punë si gjithë të tjerëve”, është shprehur Fejzo, percjell abcnews.
Janë disa prefektura në Itali që kanë dekretuar dëbimin e të riut shqiptar. Përpara Reggio Emilia-s, dëbimin e Fejzos e firmosën Bologna dhe Treviso. Në disa raste kanë qenë vetë autoritetet që kanë bërë shoqërimin e tij fizik, duke kthyer shqiptarin në doganë.