“Unë kam luftuar me imazhin e trupit tim për vite dhe tani ndiej se njerëzit në moshën time mendojnë se jam e papjekur, sepse unë kurrë nuk kam pasur marrëdhënie seksuale.”
Unë jam një grua 20 vjeçare dhe kam luftuar me imazhin e trupit që kur isha 14 vjeçe. Puthja ime e parë e duhur ishte kur isha 18 vjeç dhe pothuajse e humba virgjërinë time një vit më parë, por për disa arsye nuk ndodhi. Presioni për të mos pasur marrëdhënie seksuale është i madh. Njerëzit shikojnë poshtë kur ju them se nuk kam kryer kurrë marrëdhënie të tilla. Ndihem sikur njerëzit në moshën time më gjykojnë si të papjekur sepse jam e virgjër dhe, së fundmi, kjo ka kompromentuar aftësitë e mia shoqërore në përgjithësi. Ndihem më e sigurt për trupin tim, por ende pyes veten nëse do të takohem me dikë me të cilin do të jem rehatshëm mjaftueshëm sa të jem lakuriq.
Përgjigja e psikologut: Para së gjithash, seksualiteti juaj, duke përfshirë edhe përvojën tuaj ose mungesën e saj, nuk është puna e askujt përveç se e juaja. Ju nuk duhet të zbuloni informacione të tilla private dhe është mirë të mbani në mendje se shumë njerëz gënjejnë për këtë në përgjithsësi. Do të ishte e mençur të shmangje dorëzimin ndaj këtij presioni.
Përgatisni disa përgjigje që mund të jepni nëse hapet tema dhe gëzoni me këtë rast edhe të qenit misterioz. Më e rëndësishmja, bëhuni mik me trupin tuaj. Ky është një parakusht jetik dhe afatgjatë për lumturinë personale, prandaj filloni të gjeni mënyra për të bërë paqe me të. Nëse supozoni se të dashurit e ardhshëm gjithmonë do t’ju gjykojnë, do të jetë më e vështirë për ju të lidheni në mënyrë erotike me ta. Por nëse jeni të kënaqur me trupin tuaj dhe e dini se çfarë është emocionuese dhe sensualisht tërheqëse për ju, të tjerët do të tërhiqen nga ju.
Merrni kohën tuaj. Nuk ka nxitim për të eksploruar seksualitetin tuaj. Gjeni dikë që me të vërtetë ju pëlqen e tek i cili besoni dhe mos u pajtoni me marrëdhëniet e nxituara vetëm për të plotësuar një listë arritjesh. Të nxënit për të shijuar seks me një person tjetër është një proces sfidues i gjykimit dhe i gabimit, prandaj jepini përparësi vetes dhe partneit duke bërë një zgjedhje të mençur, të butë dhe të besueshme. Ato ekzistojnë./The Guardian/