Vjosa Osmani do që të krijojë iniciativë të re, thotë se nuk do t’i bashkohet asnjë partie
Ish-nënkryetarja e Lidhjes Demokratike të Kosovës, Vjosa Osmani, ka thënë se po i shqyrton të gjitha mundësitë për të ardhmen e saj në politikë.
“Ma kanë mbyllur derën dhe kanë zgjedhur rrugë tjetër”, ka deklaruar ajo, teksa ka folur për LDK’në e Isa Mustafës.
Megjithatë, Osmani ka hedhur poshtë mundësinë që t’i bashkohet një partie tjetër politike në Kosovë.
“Jemi duke i shqyrtuar mundësitë. Natyrisht jo që të aderoj në një parti tjetër”, ka deklaruar ajo në Kanal10, të martën.