Është 635 milionë vjet e vjetër dhe i ngjan një kërpudhe. Fosili më i vjetër i një organizmi tokësor i përket kohës para shfaqjes së dinosaurve. Një studim i publikuar në revistën “Nature Communications” reflekton punën e bërë nga studiuesit e American Tech College of Science, e koordinuar nga Shuhai Xiao, së bashku me Akademinë Kineze të Shkencave, Universitetin Guizhou të Kinës dhe Universitetin Amerikan të Cincinnati-t.
Sipas autorëve të studimit, ky organizëm mund të ketë ndihmuar Tokën të rikuperohet nga një epokë akullnajash që e bëri planetin të marrë pamjen e një topi gjigant dëbore, ndërsa oqeanet u kthyen në akull me trashësi deri 1 kilometër.
Ky mikrofosil, i cili u paraprin dinosaurëve më të lashtë, u gjet në zgavra të vogla brenda shkëmbinjve sedimentarë të formacionit Doushantuo në Kinën jugore. Ai ka pamjen e disa fijeve të gjata, si fije, një nga karakteristikat kryesore të kërpudhave.
“Ishte një zbulim i rastit”, tha Tian Gan nga Virgin Tech, një nga autorët e studimit. “Mund të jetë fosili që ne kemi kërkuar për një kohë të gjatë. Nëse interpretimi ynë është i saktë – shtoi Gan – do të na shërbejë për të kuptuar ndryshimin e klimës në të kaluarën e Tokës dhe evolucionin e jetës primitive”.
Një nga hapat e ardhshëm, përfundojnë studiuesit, do të jetë studimi se si kanë jetuar këto organizma si kërpudha dhe si ia dolën të mbijetonin. Në fakt, studimi i këtyre fosileve do të ndihmojë shkencëtarët të kuptojnë se si jeta, duke filluar nga format mikroskopike të tilla si këto kërpudha antike, me aftësinë e tyre për të ricikluar lëndët ushqyese, arriti t’u mbijetojë akullnajave antike, deri në lulëzimin në forma komplekse në të gjithë planetin.