Emiratet e Bashkuara Arabe kanë investuar 26 milionë dollarë në ndërtimin e Spitalit të ri Pediatrik-Kirurgjik të Fëmijëve, që është në kuadër të Qendrës Klinike Universitare të Kosovës.
Ministri i Shëndetësisë, Armend Zemaj, në vizitën që bëri në këtë spital ka falënderuar donatorët, si dhe ish-presidenten Atifete Jahjaga për përkushtimin e saj në ndërtimin e tij .
“Ndërtimi i spitalit, pajisjet përcjellëse dhe teknologjia e fjalës së fundit, trajnimi i personelit janë donacion nga Shkëlqesia e Saj, Sheik Fatima bint Mubarak, me vlerë mbi 26 milionë dollarë”, ka shkruar Zemaj.
“Ky spital do të jetë zgjidhje për lindjet e foshnjave të shëndetshme. Jemi falënderues për donatorët dhe përkushtimin e ish presidenten Jahjaga për këtë vepër të madhe për shëndetësinë tonë”.
Zemaj tha se spitali është duke u finalizuar “ishte shumë mbresëlënës për punën e shkëlqyer që po bëhej”.