Shteti i Kroacisë ia ka dhuruar Kosovës 10 mijë vaksina anti-covid.
Lajmi është bërë i ditur nga ministri i Shëndetësisë, Arben Vitia, përmes një njoftimi për media.
Në takimin e ministrit Vitia me ambasadoren kroate në Prishtinë, është diskutuar edhe ecuria e vaksinimit të kosovarëve.
“Gjatë këtij takimi, është nënshkruar marrëveshja për 10 mijë doza të Vaksinës kundër Covid-19, në përkrahje të Republikës së Kosovës”, thuhet në njoftimin e ministrit të Shëndetësisë.