Të martën, 15.05.21, Hungaria miratoi një ligj të ri që ndalon “promovimin e homoseksualitetit” ndaj të miturve. Projekt-ligji u miratua me 157 vota pro, dhe vetëm një votë kundër, shkruan MekuliPress.com
Legjislacioni i ri ndalon diskutimet në lidhje me homoseksualitetin dhe operacionet e korrigjimit të gjinisë në shkolla dhe kopshte.
Mijëra hungarezë u mblodhën të hënën në demonstrata para parlamentit në Budapest. Aty ata protestojnë dhe tregojnë qartë mllefin e tyre kundër ligjit të ri, shkruan MekuliPress.
Kryeministri hungarez Viktor Orban ka prezantuar një numër ligjesh dhe rregullimesh që kanë kufizuar të drejtat e homoseksualëve dhe pakicave të tjera seksuale në vend.
Ndër të tjera, martesa është ripërcaktuar si bashkimi i një burri dhe një gruaje. Mundësitë për birësim homoseksualësh janë shkurtuar. Personat transgjinorë kanë humbur disa nga të drejtat e tyre ligjore.
Gjashtë parti që përbëjnë shumicën e opozitës ndaj Orban shpresojnë se mund ta privojnë atë nga pushteti në zgjedhjet në Hungari vitin e ardhshëm, shkruan MP.