Zyra e BE-së në Prishtinë ka reaguar për protestën e organizuar nga opozita që aktualisht është duke u mbajtur para Kuvendit të Kosovës nga një grup i vogël i veteranëve të UÇK-së, si rezultat i mospërfshirjes së tyre në projektligjin për pagën minimale.
Nga Zyra e BE-së reagojnë se e drejta e tubimit paqësor garantohet me ligj dhe se duke njohur të drejtën për protestë kanë bërë thirrje që protestuesit të përmbahen nga aktet e dhunës dhe të bashkëpunojnë me Policinë e Kosovës për ruajtjen e rendit.
“E drejta për tubim paqësor garantohet me ligjin ndërkombëtar dhe të Kosovës. Duke njohur të drejtën për të protestuar, u bëjmë thirrje të gjithë protestuesve në Kosovë sot që të përmbahen nga çdo formë dhune dhe të bashkëpunojnë me Policinë për ruajtjen e rendit publik, dërisa dëgjohet zëri i tyre”, thuhet në reagim.