Largohu nga dielli, pi qetësues, mbaj lëkurën freskët dhe mos pi alkool. Ose edhe më mirë, mos u digj fare!
Djegia nga dielli është një reagim akut në lëkurë pas ekspozimit për një kohë të gjatë ndaj rrezeve ultravioletë. Kjo shkakton dëme të drejtpërdrejta të ADN-së, duke çuar në inflamacion dhe vdekje të qelizave të lëkurës. Djegia nga dielli në fëmijëri ose adoleshencë mund të dyfishojë rrezikun e zhvillimit të kancerit të lëkurës së melanomës më vonë, kështu që është e rëndësishme ta shmangni atë.
Nëse jeni djegur nga dielli, vraponi shpejt dhe shkoni në hije. Mbuloni zonat e prekura me një çarçaf pambuku, që lejon lëkurën të marrë frymë dhe qëndroni aty në hije, mos dilni, këshillon MekuliPress.
Qetësuesit si ibuprofen mund të ndihmojnë në uljen e inflamacionit dhe lehtësimin e dhimbjes. Më pas ftoheni lëkurën tuaj, duke vendosur një peshqir të lagur për 15 minuta, ose bëni një dush me ujë të vakët. Sigurohuni që uji i dushit të rrjedhë lehtë!
Mos e fërkoni lëkurën tuaj me një peshqir, por butësisht vendoseni në trup.
Mundohuni të mos i çani flluskat pasi kjo mund të shkaktojë infeksion dhe shumë dhimbje, ato do të çahen vetë dhe zhduken pas disa ditësh.
Pas dushit, përdorni një locion të papërpunuar për të qetësuar lëkurën. Aloe vera gjithashtu është një qetësuese e mirë dhe vepron si antiinflamatore.
Pini shumë ujë, në mënyrë që të parandaloni dehidratimin, dhe do të ndihmojë që trupi juaj të shërohet më shpejt. Kurrsesi mos pini alkool, pasi do ta përkeqësoni shëndetin tuaj!
