Në Monaco Yacht Show është prezantuar koncepti futurist i një yahti
me hidrogjen 112 metra i gjatë. Ndërmarja holandeze Sinot Yacht
Architecture & Design ka përfituar nga ky show, më i rëndësishmi i
sallonit të anijeve, për të zbuluar projektin e yahtit ekologjik të
quajtur ‘Aqua’, ‘Uji’.
Anija, e gjatë 112 metra, sipas projektit, do të ushqehet me një sistem
që shfrytëzon hidrogjenin e lëngshëm, që ruhet në temperaturën -253
gradë në dy serbatorë të mbyllur me nga 28 tonë secila.
Hidrogjeni më pas konvertohet në energji. Anija superluksoze ka rreth 5
ura, ofron hapësirë për 14 të ftuar dhe 31 anëtarë të ekuipazhit, një
palestër, një studio joge, një sallon bukurie, një sallë masazhi dhe një
pishinë me ujëvarë në urën e pasme. Superyahti, gjithmonë sipas
projektuesve, do të jetë në gjendje të arrijë shpejtësinë në më shumë se
30km/orë dhe të ketë një autonomi në më shumë se 6000km.
Për momentin ‘Aqua’ është vetëm një prototip dhe nuk është e qartë kur projekti do të marrë jetë. Sinot Yacht shpreson që ky sistem inovativ mund të revolucionarizojë shumë shpejt industrinë detare.